Goncalo Guedes ដែលគេប្រៀបធៀបទៅនឹង Ronaldo
Guedes វ័យ១៩ឆ្នាំ ដែលគេដាក់រហស្សនាមឲ្យថា “Ronaldo ថ្មី” បានបង្ហាញខ្លួនឲ្យក្រុម Benfica កាលពីថ្ងៃអាទិត្យនៅកីឡដ្ឋាន Estadio da Luiz និងបានជួយឲ្យក្រុមរបស់គេឈ្នះ Feirense ៤-០ ខណៈដែលបុគ្គលិកខាងមើលជើងកីឡាកររបស់ក្លឹប Man Utd ក៏បានទៅទស្សនាផ្ទាល់នៅទីនោះផងដែរ។
ខ្សែបម្រើស្លាបជម្រើសជាតិព័រទុយហ្គាល់ U-21 រូបនេះ គឺជាកីឡាករវ័យក្មេងមួយរូប ដែលមានទេពកោសល្យបំផុតនៅអឺរ៉ុប ហើយក៏ជាបេក្ខភាពដណ្ដើមពាន Golden Boy Award ទៀតផង។ Guedes នៅជាប់កុងត្រាជាមួយក្លឹប Benfica ៥ឆ្នាំទៀត ខណៈដែលក្លឹបយក្សរបស់ព័រទុយហ្គាល់ រំពឹងថាតារាឆ្នើមវ័យក្មេងរូបនេះ អនាគតនឹងលក់ចេញបានថ្លៃដូច Renato Sanches និង Nico Gaitan យ៉ាងដូច្នោះដែរ៕