បុរសម្នាក់ វះកាត់អស់ជាង២ម៉ឺនដុល្លារ ដើម្បីចង់ដូច Beckham

បុរសម្នាក់ឈ្មោះ Jack Johnson បានចំណាយលុយវះកាត់ផ្ទៃមុខអស់២០០០០ផោន (២៦០០០ដុល្លារ) ហើយ ព្រោះតែចង់សម្រេចក្ដីស្រមៃ ចង់បានមុខដូចអតីតតារាបាល់ទាត់ល្បីលំដាប់ពិភពលោក David Beckham។

Jack Johnson

Johnson បានប្រាប់ដល់ ITV ក្នុងកម្មវិធី This Morning ថា៖ “តាមពិតខ្ញុំដឹងថា ខ្ញុំមើលទៅមិនទាន់ដូច David Beckham ទេឥឡូវនេះ។ ប៉ុន្តែខ្ញុំមានអារម្មណ៍រីករាយចំពោះខ្លួនឯង។ ខ្ញុំស្រលាញ់ខ្លួនខ្ញុំ…ខ្ញុំគ្រាន់តែចង់ឲ្យខ្លួនខ្ញុំមើលទៅដូច Beckham។ នរណាម្នាក់ ដែលនិយាយថា គាត់អាក្រក់ហើយមិនគួរឲ្យទាក់ទាញ? ទោះបីអ្នកនោះមិនមែនជាអ្នកគាំទ្រគាត់ ក៏គិតថាគាត់គួរឲ្យស្រលាញ់ដែរ”។

David Beckham

ទោះបីចំណាយអស់ជាង២ម៉ឺនដុល្លារហើយ នៅមិនទាន់ដូច Beckham ប៉ុន្តែ Johnson បានបញ្ជាក់ថា រូបគេគ្រោងនឹងចំណាយ៣០០០០ផោន (ជិត៤ម៉ឺនដុល្លារ) ទៀត ដើម្បីឲ្យមើលទៅដូចអតីតប្រធានក្រុមជម្រើសជាតិតោកំណាចអង់គ្លេសមែនទែន៕