សង្សារចាស់ Floyd ទៅមើល Ronaldo លេងដល់អេស្ប៉ាញ

អតីតមិត្តស្រីរបស់កំពូលអ្នកប្រដាល់ Floyd Mayweather នាង Liza Hernandez បានធ្វើដំណើរទៅដល់អេស្ប៉ាញកាលពីចុងសប្ដាហ៍ ដើម្បីទស្សនាការប្រកួតរបស់ក្រុម Real Madrid នៅកីឡដ្ឋាន Santiago Bernabeu និងមើល Cristiano Ronaldo លេង។

Cristiano Ronaldo

Liza ដែលជាតារាម៉ូដែលសញ្ជាតិប៉ាណាម៉ា ធ្លាប់មានទំនាក់ទំនងស្នេហាជាមួយ Floyd កាលឆ្នាំ២០១៤ ប៉ុន្តែពួកគេបានចែកផ្លូវគ្នានៅឆ្នាំ២០១៥។ ក្នុងដំណើរកម្សាន្តទៅអេស្ប៉ាញ នាងបានទៅទស្សនាការប្រកួតដែល Real ដែលបានត្រឹមស្មើ Eibar ១-១ កាលយប់ថ្ងៃអាទិត្យ និងបានថតរូបនៅកីឡដ្ឋាន Santiago Bernabeu បង្ហោះលើ Instagram សរសេរជាមួយនឹងសារថា៖ “ការប្រកួតរបស់ក្រុម Real Madrid…ឥឡូវតើខ្ញុំអាចធ្វើអ្វីទៀតនាយប់ថ្ងៃអាទិត្យនៅទីក្រុង Madrid? ជួយផ្ដល់មតិផង… :p ”។

Liza Hernandez និង Floyd កាលនៅស្រលាញ់គ្នា

ទោះជាយ៉ាងណា ពុំមានសេចក្ដីរាយការណ៍ណាបញ្ជាក់ថា Liza បានណាត់ជួប Ronaldo នោះទេ ប៉ុន្តែអ្នកទាំងពីរធ្លាប់ជួបគ្នា ពេល Liza ទៅទស្សនាការប្រកួតរបស់ក្រុម Real Madrid នៅកីឡដ្ឋាន Santiago Bernabeu នេះដូចគ្នាកាលពីឆ្នាំ២០១៥ ហើយនាងនិង Ronaldo ថែមទាំងបានថតរូបជាមួយគ្នាពេលយប់ទៀតផង៕