Carrasco ជួយ Atletico ឈ្នះ Bayern ឡើងកំពូលតារាងពូល D

Atletico Madrid បានបន្តកំណត់ត្រាឈ្នះរបស់ខ្លួននៅ Champions League ក្រោយយកឈ្នះ Bayern Munich ដែលជាគូប្រជែងដ៏ធំនៅ ពូល D ក្នុងលទ្ធផល ១-០។

ក្រោមក្រសែភ្នែកទស្សនិកជនជាង៥ម៉ឺននាក់ ក្រុមទាំង២សុទ្ធតែមានឱកាសស៊ុតរៀងខ្លួនតែក្នុងការប្រកួតនេះ Bayern មានឱកាសគ្រប់គ្រងបាល់ច្រើនជាងរហូត៦៧ភាគរយ។ យ៉ាងណាក៏ដោយនៅនាទី ៣៥ Yannick Carrasco ស៊ុតបញ្ចូលទីបានសម្រេចឲ្យម្ចាស់ផ្ទះ។

នេះគឺជាបរាជ័យលើកដំបូងសម្រាប់ Bayern ក្រោមការដឹកនាំរបស់អ្នកចាត់ការទូទៅថ្មី Carlo Ancelotti ហើយវាក៏ធ្វើឲ្យក្រុមខ្លាំងមកពីអាល្លឺម៉ង់មួយនេះបានត្រឹមឈរ លេខ២បណ្ដោះអាសន្នក្នុងតារាងដែលមាន៤ក្រុម ក្នុងនោះលេខ១គឺ Atletico Madrid លេខ៣ FC Rostov និងលេខ៤ PSV Eindhoven៕